«Мектеп асханалары»

«Нұр Отан» партиясы Жуалы аудандық филиалында «Мектеп асханалары» партиялық жобасы өз жұмысын бастағаны мәлім. Осы аптада «Мектепте берілетін ас дәмді ғана емес, құнары мол, ағзаға пайдалы болуы керек» деген сауалға жауап іздеген сарапшы топ  аудандағы  Көктөбе, С.Сейфуллин, М.Ломоносов, Түктібай орта мектептері мен Бақалы бастауыш мектептерінің асханаларына мониторинг жүргізді.
  Алайда, мектеп асханаларының жұмысы негізінен қанағаттанарлық екені байқалғанымен, кейбір кемшіліктердің түзелуі сарапшы топтың назарында болатындығы мекеме басшыларына ескертілді.
   Атап айтсақ, С.Сейфуллин орта мектебі мен Бақалы бастауыш мектебіндегі ас мәзірінде тамақтың калориялық құнарлығы өте аз. Бақалы бастауыш мектебіндегі бракеражды комиссия құрамы дұрыс құрылмаған. М.Ломоносов атындағы орта мектебінінің асханасындағы столардың тозығы жетіп, ауыстыруды қажет етеді.  Аталған мектептедің мекеме басшыларына сарапшы топ тарапынан ұсыныстар айтылып, мекемеше басшылары кемшілктерді жоятынын жеткізді. 
     Аталған мектептерде  мектептің безендірілуі талапқа сай. Мектептегі асхана қызметкерлерінің санитарлық кітапшалары бар. Тағамдар мен азық-түлік өнімдерінің сақталу мерзімі дұрыс. Тамақтану мәдениетін қалыптастыруға ықпал ететін видеороликтері де бар.
      Зерделеу жұмыстары іс-шаралар жоспарына сәйкес жалғасын табатын болады.